About National College Bhikhi

ਨਗਰ ਭੀਖੀ ਇੱਕ ਅਜਿਹੀ ਪਾਕ-ਪਵਿੱਤਰ ਨਗਰੀ ਹੈ। ਜਿਸਨੂੰ ਪਾਤਸ਼ਾਹੀ ਨੌਵੀਂ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੀ ਚਰਨ ਛੋਹ ਪ੍ਰਾਪਤ ਹੈ। ਇੱਕ ਪਾਕ ਪਵਿੱਤਰ ਨਗਰੀ ਵਿੱਚ ਪਰਉਪਕਾਰੀ ਵਿੱਦਿਆ ਦਾ ਦੀਵਾ ਬਾਲਣ ਲਈ ਇਲਾਕੇ ਦੇ ਦਾਨਿਸ਼ਮੰਦ ਅਤੇ ਦਾਨਵੀਰ ਮਹਾਂਪੁਰਖਾਂ ਮਹੰਤ ਸ੍ਰੀ ਭਗਵਾਨ ਦਾਸ ਅਤੇ ਬਾਬਾ ਅਮਰਨਾਥ (ਹੀਰੋਂ ਵਾਲੇ) ਨੇ ਭੂਮੀ ਦਾਨ ਮਹਾਂਪੁਰਖਾਂ ਦੀ ਨੇਕ ਸੋਚ ਤੇ ਫੁੱਲ ਚੜਾਉਂਦਿਆਂ ਭੀਖੀ ਦੇ ਸੂਝਵਾਨ ਵਿੱਦਿਆ-ਪ੍ਰੇਮੀ ਸੱਜਣਾਂ ਨੇ 1988-89 ਵਿੱਚ ਰਜਿਸਟ੍ਰੇਸ਼ਨ ਆਫ ਸੋਸਾਇਟੀ ਐਕਟ ਦੇ ਅਧੀਨ ਸੋਸਾਇਟੀ ਕਾਲਜ ਕਮੇਟੀ (ਰਜਿ: 653) ਦਾ ਗਠਨ ਕੀਤਾ। ਕਮੇਟੀ ਦੇ ਭਰਪੂਰ ਯਤਨਾਂ ਤੇ ਇਲਾਕਾ ਨਿਵਾਸੀਆਂ ਦੇ ਸੰਪੂਰਨ ਸਹਿਯੋਗ ਦੀ ਬਦੌਲਤ ਨੈਸ਼ਨਲ ਕਾਲਜ ਦਾ ਨਿਰਮਾਣ ਨੇਪਰੇ ਚੜਿਆ ਤੇ ਇਲਾਕੇ ਵਿੱਚ ਵਿੱਦਿਆ ਦੀ ਅਖੰਡ ਜੋਤ ਦਾ ਪ੍ਰਕਾਸ਼ ਹੋਇਆ, ਜਿਸਦੀ ਰੌਸ਼ਨੀ ਨੇ ਅਨੇਕਾਂ ਹੀ ਵਿਦਿਆਰਥੀਆਂ ਦਾ ਭਵਿੱਖ ਉੱਜਵਲ ਕੀਤਾ।
ਆਪਣਾ ਲੰਮਾ ਅਤੇ ਗੌਰਵ ਭਰਿਆ ਵਿੱਦਿਅਕ ਸਫ਼ਰ ਤੈਅ ਕਰਦਿਆਂ ਨੈਸ਼ਨਲ ਕਾਲਜ ਵਰਤਮਾਨ ਸਮੇਂ ਉੱਚ ਵਿੱਦਿਆ ਪ੍ਰਦਾਨ ਕਰਨ ਵਾਲਾ ਸਰਵੋਤਮ ਵਿੱਦਿਅਕ ਅਦਾਰਾ ਬਣ ਚੁੱਕਾ ਹੈ। ਕਾਲਜ ਪ੍ਰਸ਼ਾਸਨ ਵੱਲੋਂ ਵਿੱਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਨਿੱਤ ਨਵੇਂ ਪ੍ਰੋਗਰਾਮ ਉਲੀਕੇ ਜਾਂਦੇ ਹਨ...